Գեղարքունիքի մարզի Գավառ համայնքի Բերդկունք գյուղի նորակառույց մանկապարտեզ տանող ճանապարհի հիմնանորոգման աշխատանքներն արդեն ավարտվել են։
Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից ստացված տեղեկատվության համաձայն՝ շինարարական աշխատանքները սկսվել էին այս տարվա հուլիս ամսից, ՀՀ ՏԿԵ նախարարության պատվիրատվությամբ։ Ծրագրի պայմանագրային արժեքը կազմում է 77,5 միլիոն դրամ, որն ամբողջությամբ հատկացվել է պետբյուջեի միջոցներից։ Ծրագրով նախատեսված էր Սևան-Գավառ ավտոմայրուղուց դեպի Բերդկունքի նորակառույց մանկապարտեզ տանող ճանապարհի հիմնանորոգում՝ 750 գծամետր երկարությամբ և 5100 քառակուսի մետր մակերեսով, միակողմանի մայթի և ջրահեռացման համակարգի կառուցում, բազալտե եզրաքարերի տեղադրում։ 2025 թվականի նոյեմբերի 11-ի դրությամբ շինարարական աշխատանքներն ավարտված են։
Գեղամա աշխարհ