Գեղարքունիքի մարզի Գավառ համայնքի Նորատուս գյուղում 2025 թվականի հուլիսից մեկնարկել են թիվ 1 միջնակարգ դպրոցի վերանորոգման աշխատանքները։
Նորատուսի թիվ 1 միջնակարգ դպրոցի տնօրեն Վարդ Ավետիսյանի տեղեկացմամբ՝ ծրագրի պայմանագրային արժեքը կազմում է 360 միլիոն դրամ, որն ամբողջությամբ հատկացվում է պետբյուջեի միջոցներից։
Ծրագրով նախատեսված է հատակի, դռների, պատերի, սանհանգույցների վերանորոգում, ներքին ու արտաքին հարդարում, ջեռուցման ժամանակակից սարքերի տեղադրում, բակային տարածքի բարեկարգում, այլ աշխատանքներ։ 2025 թվականի նոյեմբերի 13-ի դրությամբ շինաշխատանքներն իրականացված են շուրջ 75 տոկոսով։
«Մեր դպրոցի շենքը բերվում է ժամանակակից ու բարեկարգ տեսքի, գեղեցկանում ու նորանում է նաև բակային տարածքը, շենքի արտաքին տեսքը։ Վերանորոգման աշխատանքների ավարտից հետո ԿԳՄՍ նախարարարության կողմից դպրոցն ապահովվելու է միանգամայն նոր ու ժամանակակից գույքով։ Հետևապես՝ հիմնովին բարելավվում են նաև մեր աշխատանքային պայմանները»,-նշեց Վարդ Ավետիսյանը։
Գեղամա աշխարհ