Գեղարքունիքի մարզկենտրոն Գավառ քաղաքում, «Գավառի երիտասարդների տուն բաց երիտասարդական կենտրոնի» հարակից տարածքում, կառուցվում է երիտասարդական այգի։
«Գավառի երիտասարդների տուն բաց երիտասարդական կենտրոնի» համակարգող Անի Պետոյանի տեղեկացմամբ՝ այգին կառուցվում է «Ակցիա սովի դեմ հիմնադրամ»-ի՝ ՄԱԿ-ի Փախստականների հարցերով գերագույն հանձնակատարի գրասենյակի կողմից ֆինանսավորվող «Հայաստանում փախստականների ինտեգրման ուժեղացում և համայնքների հզորացում» ծրագրի շրջանակում՝ նպատակ ունենալով ստեղծել ազատ ժամանակի և ոչ ֆորմալ կրթության հարմար միջավայր երիտասարդների համար։ Ծրագրի ընդհանուր բյուջեն 13 միլիոն 342 հազար դրամ է։
Շինարարական աշխատանքները մեկնարկել են 2025 թվականի նոյեմբերի սկզբին և ավարտի կհասցվեն մինչև տարեվերջ։
«Երիտասարդական այգում տնկվելու են ծառեր, հիմնվելու է ամֆիթատրոնի ոճի կառույց, տեղադրվում են նստարաններ։ Այգին ծառայելու է բացօթյան ժամանցներ, հանդիպումներ ու քննարկումներ կազմակերպելու համար»,-նշեց Անի Պետոյանը։
Վերջերս երիտասարդական այգու շինարարական աշխատանքները դիտարկել է Գավառ համայնքի ղեկավար Գուրգեն Մարտիրոսյանը։
Գեղամա աշխարհ