Հայաստանի ֆուտբոլի հավաքականը կրկին պարտվեց Հունգարիային, երբ կարող էր հաշիվը հավասարեցնել մի քանի դրվագներում։
Սակայն կարեւորն այն էր, որ մեր թիմի գործողություններում նկատվեց պայքար, հաղթելու կամք, հզոր մրցակցին դիմակայելու կարողություն։
Կուզեի առանձնացնել մեր երկու կենտրոնական պաշտպաններին` Սերգեյ Մուրադյանին ու Ստյոպա Մկրտչյանին, ովքեր կարողացան չեզոքացնել մրցակցի ուժեղ հարձակվողներին։
Սպերցյանը եւս իրեն լավ դրսեւորեց, Թիկնիզյսնը նույնպես։
Ամեն դեպքում, թիմային խաղը ստացվեց, հատկապես երկրորդ խաղակեսում, երբ մեր թիմը կերպարանափոխվեց ու ավելի շատ տիրեց գնդակին։
Հուսանք, որ առաջիկա խաղերում կտեսնենք ավելի շատ առաջընթաց, ավելի մարտունակ հավաքական։
Հաջորդ խաղում մեր հավաքականն ուժերը կչափի Պորտուգալիայի ընտրանու հետ, նոյեմբերի 16-ին, Լիսաբոնում։
Խոսրով Խլղաթյան