Սպիտակասար լեռը մի այլ փայլի, գույների ու տեսքի մեջ է երեւում մայրամուտից քիչ առաջ, Քանագեղ հնավայրի տարածքից, որը գտնվում է Գավառի վարչական տարածքում, Սևան-Գավառ-Մարտունի ավտոմայրուղու աջ ու ձախ կողմերում, Սեւանա լճի հարավարեւմտյան ափին։ Սարահարթը, որը կոչվում է Մանուչարների դաշտ, հարուստ է պատմաճարտարապետական բազմազան հուշարձաններով, որոնց փառքի թագն ասես մարդու տեսադաշտում կրում է հենց Գեղամա լեռնավահանի արքան՝ Սպիտակասարը, որը մեր լուսանկարում երեւում է իր ողջ երկայնքով ու բարձունքով, վեհությամբ ու դյութիչ պատկերով, օրվա մարմրող գույներով։
Խոսրով Խլղաթյան