Գեղարքունիքի մարզի տնտեսություններում 2025 թվականի հոկտեմբերի 31-ի դրությամբ կատարվել է 8130 հեկտար աշնանացան ցորենի ցանք։
Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչությունից ստացված տեղեկատվության համաձայն՝ 5600 հեկտար աշնանացան կատարվել է Վարդենիս համայնքում։ 750 հեկտար աշնանացան կատարվել է Մարտունի, 710 հեկտար՝ Գավառ, 638 հեկտար՝ Սևան, 432 հեկտար՝ Ճամբարակ համայնքների տնտեսություններում։
Աշնանացանը կատարվում է նաև ՀՀ կառավարության կողմից իրականացվող «Բուսաբուծության աջակցության ծրագրի» շրջանակներում։ Յուրաքանչյուր ցանված հեկտարի դիմաց պետության կողմից տրամադրվող սուբսիդավորումը կազմում է 80 հազար դրամ։ Մինչ այժմ կատարված 8130 հեկտար ցանքից 4742 հեկտարը կատարվել է հավաստագրված սերմերով։ Պետական աջակցության ծրագրից օգտվելու համար մարզի համայնքապետարաններում ստացվել է 602 դիմում։
Եղանակներն առայժմ նպաստավոր են աշնանացանի համար, ուստի առաջիկա օրերին էլ դրանք թափով կշարունակվեն, ինչի արդյունքում էլ ակնկալում ենք թե՛ աշնանացանի ծավալների որոշակի ավելացում, թե՛ պետական աջակցությունից օգտվել ցանկացող նոր շահառուների ընդգրկում այս ծրագրում»,-ներկայացրին Գեղարքունիքի մարզպետի աշխատակազմից։
Գեղամա աշխարհ