Գեղարքունիքի մարզի Մարտունի համայնքի Ծովինար գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում արտաքին լուսավորության ցանց է կառուցվել։
Մարտունու համայնքապետարանի աշխատակազմի տեղեկացմամբ՝ Ծովինարի արտաքին լուսավորության ցանցի կառուցման ծրագրի պայմանագրային արժեքը կազմում է 52 միլիոն 800 հազար դրամ, որի 60 տոկոսը հատկացնում է ՀՀ կառավարությունը, 40 տոկոսը՝ Մարտունու համայնքապետարանը։
Ծրագրով նախատեսված է արտաքին լուսավորության ցանցի կառուցում Ծովինարի 22 տարբեր փողոցներում, 10 հազար գծամետր երկարությամբ, ԼԵԴ համակարգով աշխատող 363 լուսատուների տեղադրմամբ։
Շինարարական աշխատանքները մեկնարկել են 2025 թվականի հուլիսից և հոկտեմբերի վերջի դրությամբ արդեն գտնվում են ավարտական փուլում։
Ծրագրի իրականացման արդյունքում Ծովինարի ավելի քան 2 հազար բնակիչ առաջին անգամ լուսավորության արտաքին ցանցից առաջին անգամ օգտվելու հնարավորություն կունենան։
Շինարարական աշխատանքներն իրականացրել է «ԼԱՅԹԻՆԳ ԱԼԵՔ» ՍՊԸ-ն։