Գեղարքունիքի մարզի Գավառ համայնքում մի քանի օր է, ինչ մեկնարկել և ընթանում է գեղանկարչական սիմպոզիում՝ Գավառի Գեղարվեստի դպրոցի նախաձեռնությամբ ու Գավառի համայնքապետարանի կողմից տրամադրված ֆինանսական միջոցներով։
Գավառի Գեղարվեստի դպրոցի տնօրեն Հասմիկ Թամամավեյանի տեղեկացմաբ՝ գեղանկարչական սիմպոզիումին հրավիրվել և մասնակցում են ՀՀ Նկարիչների միության 5 անդամներ՝ Վահագն Ջիվանյանը, Սրապիոն Դանիելյանը, Գարիկ Փրվեյանը, Արամ Մաշուրյանը և Հրաչյա Սաֆարյանը։ 
Միաժամանակ Գավառի Գեղարվեստի դպրոցի սաներին հնարավորություն է ընձեռնվել՝ մասնակելու սիմպոզիումի աշխատանքներին և զարգացնել նկարչական գիտելիքները: Գեղանկարչական կտավների վրա պատկերվում են Գավառ համայնքի տեսարժան վայրերը։ Գեղանկարիչներն աշխատում են Գավաթի Թթուջրի անտառում, Հացառատի Սուրբ Աստվածածին, Ծաղկաշենի Սուրբ Հովհաննես եկեղեցիների, Հայրավանքի, Նորատուսի պատմական հուշարձանների տարածքներում։
«Սիմպոզիումի մասնակիցները տեղում կատարել են գեղանկարչական էտյուդներ, որոնցից կազմվելու է մեր համայնքի բնակավայրերի տեսարժան վայրերը պատկերող գեղանկարչական աշխատանքների ֆոնդ՝ մշտական ցուցադրության համար»,-ներկայացրեց Հասմիկ Թամամավեյանը:
Եկող երկուշաբթի կամփոփվեն սիմպոզիումի արդյունքները։
Գեղամա աշխարհ