Գեղարքունիքի մարզի Մարտունի համայնքի Վարդենիկ գյուղում ավարտին են մոտենում 1-ին, 12, 17, 18, 24 և 25-րդ փողոցների հիմնանորոգման աշխատանքները, որոնք կատարվել են ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում։
Մարտունու համայնքապետարանի աշխատակազմի տեղեկացմամբ՝ Վարդենիկի փողոցների հիմնանորոգման ծրագրի պայմանագրային արժեքը կազմում է 207 միլիոն 398 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրով նախատեսվում է Վարդենիկի 1-ին, 12, 17, 18, 24 և 25-րդ փողոցների ասֆալտապատում՝ 3230 գծամետր երկարությամբ և 16 հազար 150 քառակուսի մետր մակերեսով։ Երկու փողոցներում տեղադրվում են ջրահեռացման և ոռոգման առուներ։
Շինարարական աշխատանքները մեկնարկել են 2025 թվականի օգոստոսից և հոկտեմբերի 30-ի դրությամբ իրականացվել շուրջ 90 տոկոսով։
Շիանարությունը նախատեսվում է ավարտի հասցնել այս տարվա ընթացքում։
Շինարարական աշխատանքները նախատեսվում է ավարտի հասցնել 2025 թվականի ընթացքում։
Աշխատանքներն իրականացրել է «ՎՄՎ ՔՈՄՓՆԻ» ՍՊԸ-ն։
Ծրագրի շահառու են հանդիսանում շուրջ 4 հազար բնակիչ։ Վերոնշյալ փողոցներն ասֆալտապատվում են առաջին անգամ։
Գեղամա աշխարհ