Գեղարքունիքի մարզի Գավառ համայնքի Կարմիրգյուղ բնակավայրում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում սկսվել և ընթանում են Հունան Ավետիսյան փողոցի հիմնանորոգման աշխատանքները։
Գավառի համայնքապետարանի աշխատակազմի տեղեկացմամբ՝ Կարմիրգյուղի Հունան Ավետիսյան փողոցի հիմնանորոգման ծրագրի պայմանագրային արժեքը կազմում է 160 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Գավառի համայնքապետարանը։
Ծրագրով նախատեսված է Հունան Ավետիսյան փողոցի ասֆալտապատում՝ 1260 գծամետր երկարությամբ և շուրջ 10 հազար քառակուսի մետր մակերեսով, ջրահեռացման ներքին համակարգի կառուցում՝ 1180 գծամետր երկարությամբ։
Շինարարական աշխատանքները մեկարկել են 2025 թվականի հոմտեմբերի 7-ից և իրականացվել շուրջ 50 տոկոսով ։ Այժմ միաժամանակ ընթանում են խճային և ասֆալտբետոնյա շերտերի տեղադրման աշխատանքներ։
Շինաշխատանքներն իրականացնում է «Գավառի ՃՇՇ ԲԲԸ»-ն։
“Գեղամա աշխարհ”