Գավառի համայնքապետարանի և «Սարվոր» զբոսաշրջային, սոցիալ-կրթական, բնապահպանական ՀԿ համատեղ նախաձեռնությամբ, մրցաշարի պատասխանատուներ Նարեկ Մուրադյանի և Լալա Մկրտչյանի կազմակերպմամբ, Գավառում առաջին անգամ անցկացվել է ձիարշավի մրցաշար։
Ինչպես տեղեկացրին Գավառի համայնքապետարանի աշխատակազմից, մրցաշարին մասնակցել են Գավառ քաղաքի և բնակավայրերի 21 ձիավարներ, որոնց իր ներկայությամբ ոգևորել է Գավառ համայնքի ղեկավար Գուրգեն Մարտիրոսյանը։
Ութ հարյուր մետր մրցուղին ամենաարագն անցած երեք մասնակիցները Գավառ համայնքի ղեկավարի կողմից արժանացել են դրամական պարգևների և հավաստագրերի։
Առաջին մրցանակին արժանացել է Վարդգես Մանուկյանը, երկրորդ մրցանակին՝ Սիրակ Սաֆարյանը, երրորդ մրցանակին՝ Արթուր Կարապետյանը։
Գևորգ Զախարյանին հանձնվել է շնորհակալագիր՝ կազմակերպչական աշխատանքներում աջակցություն ցուցաբերելու համար։
Մրցանակները հանձնել է Գավառ համայնքի ղեկավարի առաջին տեղակալ Գրիգոր Դաշտոյանը։
Գեղամա աշխարհ