Գեղարքունիքի մարզի Սևան համայնքի բնակավայրերում «Մասնակցային բյուջետավորում – 2026» ծրագրի շրջանակներում ընթանում են շինարարական աշխատանքներ։ Ինչպես տեղեկացրին Սևանի համայնքապետարանի աշխատակազմից, աշխատանքներն ընթանում են «Առողջ և ակտիվ երիտասարդություն» Գեղամավան բնակավայրում երիտասարդական կենտրոնի ստեղծման նպատակով տարածքի վերանորոգում», «Երիտասարդության զբաղվածության կենտրոնի հիմնում» Ծաղկունք բնակավայրում, մանկապարտեզի չգործող մասնաշենքում», «Հարմարեցված տրանսպորտային կանգառներ և նստարաններ» Դդմաշեն բնակավայրում տրանսպորտային կանգառների տաղավարների և նստարանների տեղադրում», «Առողջ միջավայր» բազմաֆունկցիոնալ մարզադաշտ Վարսերում» ծրագրերի շրջանակներում։
«Հիշյալ 4 ծրագրերի իրականացման համար համայնքապետարանի կողմից հայտարարված մրցույթները կայացել են, պայմանագրերը կնքվել են:
Ծրագրերով նախատեսված աշխատանքները գտնվում են շինարարության կամ անհրաժեշտ սարքավորումների, գույքի ձեռքբերման փուլերում:
«Առողջ և ակտիվ երիտասարդություն» Գեղամավան բնակավայրում երիտասարդական կենտրոնի ստեղծման նպատակով տարածքի վերանորոգում» ծրագերի շինարարական աշխատանքներն ավարտական փուլում են: Գույքի մեծ մասը ձեռք է բերվել: Ընթացքի մեջ է գույքի մյուս մասի ձեռքբերման գործընթացը:
«Երիտասարդության զբաղվածության կենտրոնի հիմնում». Ծաղկունք բնակավայրում» ծրագրի շինաշխատանքներն ընթացքի մեջ են:
«Հարմարեցված տրանսպորտային կանգառներ և նստարաններ» Դդմաշեն բնակավայրում տրանսպորտային կանգառների տաղավարների և նստարանների տեղադրում» ծրագրով իրականացվում են ընթացիկ աշխատանքներ, որին հաջորդելու է կանգառների և նստարանների տեղադրումը:
Վարսեր բնակավայրում իրականացվող «Առողջ միջավայր» բազմաֆունկցիոնալ մարզադաշտ» ծրագրի շրջանակներում մեկնարկել են շինարարական աշխատանքները: Ներկայումս ընթանում են մարզադաշտի տարածքի հարթեցման աշխատանքները»,-ներկայացրին Սևանի համայնքապետարանի աշխատակազմից:
Բոլոր ծրագրերը կավարտվեն այս տարվա ընթացքում։
Գեղամա աշխարհ