Գեղարքունիքի մարզի Գավառ քաղաքում ՀՀ կառավարության կողմից 2026 թվականին իրականացվող սուբվենցիոն ծրագրերի շրջանակներում արդեն ավարտին են մոտենում Ազատության փողոցի առաջին նրբանցքի, նույն փողոցի 4-րդ շենքի բակի և առաջին փակուղու հիմնանորոգման աշխատանքները։
Ինչպես տեղեկացրին Գավառի համայնքապետարանի աշխատակազմից, ծրագրի պայմանագրային արժեքը կազմում է 72 միլիոն 323 հազար դրամ, որի 45 տոկոսը հատկացնում է ՀՀ կառավարությունը, 55 տոկոսը՝ Գավառի համայնքապետարանը։
Ծրագրով նախատեսված է 690 մետր երկարությամբ նրբանցքի և փակուղու ասֆալտապատում, 496 քմ տարածքով մայթերի կառուցում` բազալտե եզրաքարերով և բետոնե սակիկներով, ջրահեռացման համակարգի կառուցում։
Շինարարական աշխատանքները սկսվել են 2026 թվականի հունիսից և 2026 թվականի օգոստոսի 3-ի դրությամբ արդեն իրականացվել շուրջ 90 տոկոսով։
«Ճանապարհաշինական աշխատանքները կարևորում են ոչ միայն տարածքում ապրողները, այլև այս հատվածով հաճախ երթևեկող քաղաքացիները։ Տարածքի փոշին, ցեխը և այլ անհարմարություններ արդեն անցյալում են։ Ճանապարհաշինարարների հավաստմամբ` փողոցները շուտով շահագործման կհանձնվեն»,-ներկայացրին Գավառի համայնքապետարանի աշխատակազմից։
Գեղամա աշխարհ