Գեղարքունիքի մարզի Վարդենիս քաղաքի մանկական գրադարանը համալրվել է նոր գրքերով։
Ինչպես տեղեկացրին Վարդենիսի համայնքապետարանի աշխատակազմից, օրերս Վարդենիսի քաղաքային մանկական գրադարանը հյուրընկալել է Հայկական գրադարանային ասոցիացիայի նախագահ, Խնկո Ապոր անվան ազգային մանկական գրադարանի տնօրեն Ռուզան Տոնոյանին և անվանի գրադարանագետ, մատենագետ, Հայկական գրադարանային ասոցիացիայի փոխնախագահ Ռաֆիկ Ղազարյանին։
Այցի ընթացքում հյուրերը շրջայց են կատարել գրադարանում, ծանոթացել գրադարանի պատմությանը, գործունեությանը և առօրյա աշխատանքին։ Հանդիպման ընթացքում խոսվել է գրադարանների միջև հետագա համագործակցության, փորձի փոխանակման և համատեղ ծրագրերի իրականացման հնարավորությունների մասին։
Հյուրերը գրադարանին նվիրել են նաև գրքեր՝ համալրելով գրադարանի գրքային ֆոնդը։
Հանդիպմանը ներկա էին Վարդենիսի համայնքապետարանի կրթության, մշակույթի, սպորտի, երիտասարդության և սոցիալական աջակցության բաժնի աշխատակիցները, Վարդենիսի քաղաքային գրադարանի և քաղաքային մանկական գրադարանի աշխատակիցները, ինչպես նաև ընթերցողներ։
Հանդիպումը շարունակվել է ջերմ և անմիջական զրույց-քննարկմամբ։ Ներկաները հնարավորություն են ունեցան շփվելու հյուրերի հետ, հարցեր ուղղելու և քննարկելու գրքի, ընթերցանության ու գրադարանների զարգացմանն առնչվող մի շարք հարցեր։
Գեղամա աշխարհ