Գեղարքունիքի մարզի Վարդենիս համայնքի ղեկավար Ահարոն Խաչատրյանն ընդունել և պարգևատրել է բազկամարտի աշխարհի 27-րդ առաջնության կրկնակի չեմպիոն Արա Հովագիմյանին։
Վարդենիսի համայնքապետարանի աշխատակազմի տեղեկացմամբ՝ բազկամարտիկ Արա Հովագիմյանը 2025 թվականի սեպտեմբերի 10-ից 23-ը Բուլղարիայի Ալբենա քաղաքում անցկացված աշխարհի 27-րդ առաջնությունում՝ 50 կգ քաշային կարգում, ձախ և աջ ձեռքերով, արժանացել է աշխարհի կրկնակի չեմպիոնի կոչման։
Համայնքի ղեկավարը շնորհավորել երիտասարդ մարզիկին՝ միջազգային հարթակում Հայաստանի անունը բարձր պահելու համար և նրան հանձնել շնորհակալագիր՝ բարձր արդյունքների, նվիրվածության և համայնքի անունը պատվով ներկայացնելու համար, նաև արժանացրել դրամական խրախուսանքի ։
Արա Հովագիմյանն իր հաղթանակը նվիրել է Վարդենիս համայնքից Արցախյան բոլոր պատերազմներում զոհված հերոսների վառ հիշատակին։