Գեղարքունիքի մարզի Մարտունի քաղաքում կայացել է բռնցքամարտի «Սևանա լիճ 2026» 10-րդ բաց առաջնությունը, որը Մարտունու մարզադպրոցի հետ համատեղ կազմակերպել էր Գեղարքունիքի մարզի բռնցքամարտի ֆեդերացիան։
Ինչպես տեղեկացրեց Գեղարքունիքի մարզի բռնցքամարտի ֆեդերացիայի նախագահ Գեւորգ Սարգսյանը, Մարտունու մարզադպրոցը մեկ հարկի տակ էր հավաքել 2008-2018 թվականներին ծնված 210 ուժեղագույն մարզիկների Մարտունուց, Երևանի «Դինամո» ՄՀԿ-ից, Եղեգնաձորից, Ալավերդիից, Քաջարանից, Կապանից, Արտաշատից, Հրազդանից, Վայքից, Փարաքարից, Սևանից և այլ համայնքներից։
Թիմային արդյունքներով առաջին տեղը գրավել է Մարտունու մարզադպրոցը, երկրորդ տեղը՝ Եղեգնաձոր համայնքը, երրորդ տեղը՝ Երևանի «Դինամո» մարզական հասարարական կազմակերպությունը։
Մրցաշարն անցել է լարված ու հետաքրքիր պայքարում։ Հաղթող մարզիկները և մրցանակային տեղեր գրաված թիմերը պարգեւատրվել են գավաթներով, մեդալներով ու պատվոգրերով։
Գեղամա աշխարհ