Գեղարքունիքի մարզի Ճամբարակ քաղաքում սուբվենցիոն , պետական և համայնքային տարբեր ծրագրերով 2018-2025 թվականներին սոցիալ-տնտեսական և կենսական նշանակության 51 ծրագիր է իրականացվել, որոնց ուղղությամբ կատարված կապիտալ ներդրումների ընդհանուր գումարը կազմում է 4 միլիարդ 540 միլիոն 273 հազար 636 դրամ։
Ինչպես տեղեկացրին Ճամբարակի համայնքապետարանի աշխատակազմից, իրականացված ծրագրերից 38-ը սուբվենցիոն են՝ 2 միլիարդ 245 միլիոն 738 հազար դրամ ընդհանուր արժեքով, 5-ը՝ պետական՝ 2 միլիարդ 126 միլիոն 776 հազար դրամ արժեքով, 9-ը՝ համայնքային՝ 167 միլիոն 758 հազար 864 դրամ արժեքով։
Իրականացված ծրագրերի արդյունքում 2018-2025 թվականների ընթացքում Ճամբարակ քաղաքում կառուցվել է 18 500 մետր խմելու ջրատարի ներքին ու արտաքին ցանցեր, 15450 մետր արտաքին լուսավորության ցանց, 4000 մետր ոռոգման ցանց, ոռոգման ջրամբար, Վարքաութ տիպի խաղահրապարակ, մանկական խաղահրապարակներ, պետական հիմնարկների կարիքների համար՝ արևային ֆոտովոլտային կայաններ, 1360 մետր գազատար, հիմնանորոգվել և միջին նորոգման է ենթարկվել հանրապետական ու ներհամայնքային նշանակության 24799 մետր ճանապարհ, թիվ 3 և 5 մանկապարտեզների շենքերը, համայնքապետարանի վարչական շենքը, բազմաբնակարան 7 շենքերի տանիքները, Ճամբարակ մուտքի հենապատը և 2 կամուրջ, ընթացքի մեջ են Ճամբարակի թիվ 1 հիմնական դպրոցի կառուցման աշխատանքները՝ 1 միլիարդ 270 միլիոն դրամ արժեքով։
Գեղամա աշխարհ