Գեղարքունիքի մարզի Մարտունի համայնքի Երանոս գյուղում ՀՀ Կառավարության կողմից 2025 թվականին իրականացվող սուբվենցիոն ծրագրերի շրջանակներում սկսվել և ընթանում են 1-ին և 4-րդ փողոցների հիմնանորոգման աշխատանքները։
Ինչպես տեղեկացրին Մարտունու համայնքապետարանի աշխատակազմից, Երանոսի փողոցների հիմնանորոգման ծրագրի պայմանագրային արժեքը կազմում է 145 միլիոն 589 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրով նախատեսված է Երանոսի թիվ 1 և 4 փողոցների ասֆալտապատում՝ 2 կիլոմետր երկարությամբ և շուրջ 12 հազար քառակուսի մետր մակերեսով։
Շինարարկան աշխատանքները մեկնարկել են 2026 թվականի հունիսի 15-ից և հունիսի 29-ի դրությամբ իրականացվել շուրջ 60 տոկոսով։
Հիմնանորոգման ծրագիրն իրականացնում է «ՎՄՎ ՔՈՄՓՆԻ» ընկերությունը։
Ծրագրի իրականացման արդյունքում Երանոսի թիվ 1 և 4 փողոցների բնակիչներն առաջին անգամ ասֆալտապատ ու բարեկարգ ճանապարհից օգտվելու հնարավորություն կունենան։
Շինարարական աշխատանքները կավարտվեն այս տարվա հուլիս ամսի ընթացքում։
Գեղամա աշխարհ