2026 թվականին նշվող ԵՄ Կայուն էներգիայի շաբաթվա շրջանակներում, ԵՀ «Քաղաքապետերի դաշնագիր արևելք» ծրագիրը հայտարարել էր «Ապագայի էներգիայի գյուտարարներ» կարգախոսով մոդելային մրցույթ, որին միացել էր նաև Սևան համայնքը:
Ինչպես տեղեկացրին Սևանի համայնքապետարանի աշխատակազմից, մրցույթի նպատակն էր՝ երեխաների մոտ առաջացնել հետաքրքրություն մաքուր էներգիայի և վերականգնվող տեխնոլոգիաների նկատմամբ, քանի որ այս գործունեության միջոցով խրախուսվում է ներկայացնել նորարարական գաղափարներ, որոնք կարող են օգնել մաքուր էներգիա արտադրել համայնքային նշանակության շենքերի, առանձնատների համար:
Աշխատանքները գնահատելիս հանձնախումբը հաշվի է առել մոդելի համապատասխանությունը մրցույթի խորագրին և «Կայուն էներգիայի շաբաթվա» կարգախոսին, ինչպես նաև մոդելի միջոցով ներկայացված էներգիայի սպառումը կրճատելու, վերականգնվող ռեսուսրները օգտագործելու և կանաչ զարգացումը խթանելու գործնական լուծումները:
Ներկայացված աշխատանքներից ընտրվել են երկուսը՝ Սևանի Վլ. Կարապետյանի անվան թիվ 3 հիմնական դպրոցի աշակերտների կողմից ներկայացված «ԽԵԼԱՑԻ ԷԿՈ-ՋԵՐՄԱՏՈՒՆ ԵՎ ԿԱՆԱՉ ՆՈՐԱՐԱՐՈՒԹՅՈՒՆՆԵՐԻ ԿԵՆՏՐՈՆ» և Սևանի Խ. Աբովյանի անվան ավագ դպրոցի աշակերտների կողմից ներկայացված «ԿԱՆԱՉ ԵՎ ԷՆԵՐԳԱԽՆԱՅՈՂ ԱՅԳԻ ՍԵՎԱՆՈՒՄ» մոդելները:
Ներկայացված աշխատանքները կմասնակցեն ազգային մրցանակաբաշխությանը:
Գեղամա աշխարհ