Կարմիր Խաչի Միջազգային Կոմիտեի կողմից Գեղարքունիքի մարզի Վարդենիս համայնքին նվիրաբերվել է ուկրաինական արտադրության ժամանակակից շարքացան։
Ինչպես տեղեկացրին Վարդենիսի համայնքապետարանի աշխատակազմից, Վարդենիս համայնքի ղեկավարին փոխարինող Կարեն Մկրտչյանն ընդունել է Հայաստանում Կարմիր Խաչի Միջազգային Կոմիտեի պատվիրակության ներկայացուցիչներին՝ Լոգիստիկայի ղեկավար Գեորգի Պողոսյանին, Տնտեսական անվտանգության ծրագրերի ղեկավար Ստեփան Գրիգորյանին, Քաղաքական և գործառնական հարցերով խորհրդատու Ավետիք Փաշայանին, Տնտեսական անվտանգության բաժնի ներկայացուցիչ Նարինե Քոչարյանին։
Հանդիպման ընթացքում քննարկվել են համատեղ ծրագրերն ու հումանիտար աջակցությանն ուղղված քայլերը:
Համագործակցության շրջանակներում ԿԽՄԿ-ն Վարդենիս համայնքին նվիրաբերել է ուկրաինական արտադրության «ELVORTI ASTRA 3.6» ժամանակակից շարքացան:
«Նվիրաբերված սարքավորումը կիրառվելու է սահմանամերձ բնակավայրերում գյուղատնտեսական աշխատանքներն արդյունավետ կազմակերպելու համար։
Վարդենիսի համայնքապետարանը շնորհակալություն է հայտնում Կարմիր Խաչի Միջազգային Կոմիտեին ՝ համայնքի կողքին լինելու և ցուցաբերած կարևոր աջակցության համար»,-ներկայացրին Վարդենիսի համայնքապետարանի աշխատակազմից:
Գեղամա աշխարհ