«ՀՀ վարչապետի գավաթ» սիրողական սեղանի թենիսի մրցաշարի մարզային փուլի արդյունքների ամփոփումից հետո առաջիկայում կայանալիք եզրափակիչ փուլում Գեղարքունիքի մարզը կներկայացնեն Սևան համայնքի Խ․ Աբովյանի անվան ավագ դպրոցի 10-12-րդ դասարանների և Գագարինի միջնակարգ դպրոցի 5-9-րդ դասարանների աշակերտներից կազմված թիմերը։
Ինչպես տեղեկացրին Գեղարքունիքի մարզպետի աշխատակազմի ԿՄՍ վարչությունից, Գագարինի միջնակարգ դպրոցի նորակառույց մարզադահլիճում ապրիլի 6-ին և 8-ին անցկացվել է «ՀՀ վարչապետի գավաթ» սիրողական սեղանի թենիսի մրցաշարի մարզային փուլը։
Ապրիլի 6-ին մրցապայքարը ծավալվլ է համայնքային փուլերում առաջինից երրորդ տեղերը գրաված Գեղարքունիքի մարզի հանրակրթական դպրոցների 5-9-րդ դասարանների աշակերտներից կազմված 15 հավաքական թիմերի միջև:
Մարզային փուլում արդյունքները բաշխվել են հետևյալ կերպ՝ 1-ին տեղը զբաղեցրել է Սևան համայնքի Գագարինի միջնակարգ դպրոցի թիմը, 2-րդ տեղը՝ Գավառ համայնքի Սարուխանի Մ․ Խոստեղյանի անվան N2 միջնակարգ դպրոցի թիմը, 3-րդ տեղը՝ Վարդենիս համայնքի Շատջրեքի միջնակարգ դպրոցի թիմը։
Ապրիլի 8-ին միմյանց միջև ուժերը չափել են համայնքային փուլում առաջինից երրորդ տեղերը գրաված Գեղարքունիքի մարզի համայնքների դպրոցների 10-12-րդ դասարանների աշակերտներից կազմված հավաքական 15 թիմերը։
Այս տարիքային խմբում մարզային փուլում արդյունքները բաշխվել են հետևյալ կերպ՝
1-ին տեղը զբաղեցրել է Սևան համայնքի Խ․ Աբովյանի անվան ավագ դպրոցի թիմը, 2-րդ տեղը՝ Գավառ համայնքի ավագ դպրոցի թիմը, 3-րդ տեղը՝ Ճամբարակ համայնքի Թթուջրի միջնակարգ դպրոցի թիմը։
Հաղթողները պարգևատևվել են ՀՀ ԿԳՄՍ նախարարության հավաստագրերով։
Գեղամա աշխարհ