Գեղարքունիքի մարզի Վարդենիս քաղաքի Մհեր Մկրտչյանի անվան մշակույթի պալատի ճեմասրահում տեղի է ունեցել «Հայաստանի Հանրապետության Վարչապետի գավաթ» սիրողական սեղանի թենիսի համայնքային փուլի մրցաշարը։
Ինչպես տեղեկացրին Վարդենիսի համայնքապետարանի աշխատակազմից, մրցաշարն անցկացվեց երկու տարիքային խմբերում՝ 5-9 և 10-12-րդ դասարանների աշակերտներից կազմված դպրոցական հավաքական թիմերի մասնակցությամբ։
1-ին տարիքային խմբի՝ 5-9-րդ դասարաններում սովորող դպրոցականների մրցաշարում 1-ին տեղը գրավել է Շատջրեքի միջնակարգ դպրոցի թիմը։ 2-րդ տեղը զբաղեցրել է Մեծ Մասրիկի միջնակարգ դպրոցի թիմը, 3-րդ տեղը՝ Վանևանի միջնակարգ դպրոցի թիմը։
10-12-րդ դասարաններում սովորող դպրոցականների մրցաշարում կրկին 1-ին տեղը գրավել է Շատջրեքի միջնակարգ դպրոցի թիմը։ Երկրորդ տեղում է Վանևանի միջնակարգ դպրոցի թիմը, 3-րդ տեղում՝ Մաքենիսի միջնակարգ դպրոցի թիմը։
Համայնքային փուլերում յուրաքանչյուր տարիքային խմբում 1-ին, 2-րդ և 3-րդ տեղեր գրաված դպրոցական թիմերը կմասնակցեն մրցաշարի մարզային փուլի մրցումներին։
Գեղամա աշխարհ