Գեղարքունիքի մարզի Վարդենիս համայնքի Ակունք գյուղում շարունակվում են միջնակարգ դպրոցի շենքի վերանորոգման աշխատանքները, որոնց մեկնարկը տրվել է 2025 թվականի օգոստոս ամսից, ՀՀ կառավարության կողմից իրականացվող «300 դպրոց, 500 մանկապարտեզ ծրագրի շրջանակներում։
Ինչպես տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, Ակունքի միջնակարգ դպրոցի շենքի վերանորոգման ծրագրի պայմանագրային արժեքը կազմում է 361 միլիոն 255 հազար դրամ, որն ամբողջությամբ հատկացվում է պետբյուջեի միջոցներից։
Ծրագրով նախատեսվում է հատակի, աստիճանների, նորոգում, տանիքի մասնակի նորոգում, պատերի ներքին հարդարում, ջեռուցման, ջրամատակարարման, էներգամատակարարման համակարգերի , սանհանգույցների նորացում, նոր դռների տեղադրում, ցանկապատի ու մարզադաշտի կառուցում , տարածքի բարեկարգում և այլ կարգի շինարարական աշխատանքներ։
Շինարարությունը նախատեսվում է ավարտել 2026 թվականի ապրիլին։
Շինարարական աշատանքների ավարտից ու նոր գույքի ձեռքբերումից հետո Ակունքի միջնակարգ դպրոցը կապահովվի արդի չափորոշիչներին համապատասխան բոլոր պայմաններով։
Ակունքի միջնակարգ դպրոցի մարզադահլիճի և դահլիճի կապիտալ նորոգման աշխատանքները սկսվել և ավարտվել են 2022-2024 թվականների ընթացքում, պետական ծրագրի շրջանակներում, 220 միլիոն դրամ պայմանագրային արժեքով։ Ծրագրի իրականացման արդյունքում արդիականացվել են Ակունքի միջնակարգ դպրոցի մարզադահլիճը և նիստերի դահլիճը։
Գեղամա աշխարհ