Մարտի 12-ին կայացել է Գեղարքունիքի մարզի Սևան համայնքի ավագանու 9-րդ նստաշրջանի 2-րդ նիստը, որը վարել է համայնքի ղեկավար Սարգիս Մուրադյանը։
Ինչպես տեղեկացրին Սևանի համայնքապետարանի աշխատակազմից, նիստի օրակարագում ընդգրկված հարցերի հաստատումից հետո դրանք ներկայացվել են Սևան համայնքի ղեկավարի և ոլորտային պատասխանատուների կողմից:
Սևան համայնքի ավագանին հաստատել է Հայաստանի Հանրապետության Գեղարքունիքի մարզի Սևան համայնքի սեփականություն հանդիսացող հողերի կառավարման 2026 թվականի ամենամյա ծրագիրը, « ՀՀ Գեղարքունիքի մարզի Սևան համայնքի 2026 թվականի բյուջեն հաստատելու մասին» N 148-ն որոշման մեջ կատարված փոփոխությունները, Սևան համայնքի 2026 թվականի տարեկան աշխատանքային պլանի լրամշակված տարբերակը: Համայնքի ավագանին ի գիտություն է ընդունել Սևան համայնքում 2026 թվականի մասնակցային բյուջետավորման գործընթացի արդյունքում ընտրված առաջարկները:
Համապատասխան որոշումներով սահմանվել են Սևան համայնքի համայնքային սեփականություն հանդիսացող հողամասերի աճուրդային կարգով վաճառքի մեկնարկային գները, հաստատվել Սևան համայնքի կողմից 2026 թվականի հունվար-փետրվար ամիսներին համայնքային սեփականություն հանդիսացող օտարված գույքի գույքագրման փաստաթղթերը:
Ներկայացված մյուս հարցերը ևս համապատասխան որոշումներով հաստատվել են քվեարկությամբ։
Ավագանու նիստի ընթացքում քննարկվել են համայնքի ավագանուն հասցեագրված դիմումները, զեկուցագրերը, որոնց մի մասն ստացել է սպառիչ պատասխան, որոշ դիմումներ էլ լրացուցիչ կքննարկվեն խմբակցություններում:
Խոսրով Խլղաթյան