2025 թվականի աշնանից Գավառի գեղարվեստի դպրոցը, ՀՀ նկարիչների միության հետ համատեղ, համայնքում նկարչական սիմպոզիում է կազմակերպում։ Այն կյանքի է կոչվում Գավառի համայնքապետարանի ֆինանսական աջակցությամբ։
2025 թվականի աշնանաը կայացած սիմպոզիումի առաջին փուլում գեղանկարիչների կտավներում պատկերվել են Գավառ համայնքի աշնանային պատկերները, իսկ այժմ ստեղծվում են ձմեռային տեսարանները։ Ավագ և կրտսեր նկարիների ուշադրության կենտրոնում են նաև համայնքի պատմամշակութային կոթողները: Սիմպոզիումին անձամբ մասնակցում է նաև ՀՀ Նկարիչների միության նախագահ Սուրեն Սաֆարյանը։
Նկարչական սիմպոզիումը գեղարվեստի դպրոցի սաների համար կարևոր փորձառություն է: Նրանք հնարավորություն ունեն՝ աշխատելու ստեղծագործական ուղի անցած նկարիչների հետ, լսելու նրանց դիտարկումներն ու խորհուրդները։ 
«Սիմպոզիումի յոթ օրերը եզրափակվում են Հայրավանքի եկեղեցու և ձյունապատ Սևանի թեմատիկայով։ Այս օրերին ստեղծված նկարները ներկայացվելու են առանձին ցուցահանդեսով: Ցուցադրվելու են ինչպես Նկարիչների միության անդամների, այնպես էլ գեղարվեստի դպրոցի սաների ստեղծագործությունները։
Ալվարդ Մանուկյան