Գեղարքունիքի մարզի Քավառ քաղաքի Լ․ Քալանթարի անվան պետական թատրոնում 2026 թվականի մարտի ութին կայացած ներկայացմամբ մեկնարկել է թատերական երկամսյակը, որը ՀՀ Գեղարքունիքի մարզպետ Կարեն Սարգսյանի նախաձեռնությամբ և ՀՀ կրթության, գիտության մշակույթի և սպորտի նախարար Ժաննա Անդրեասյանի աջակցությամբ արդեն կայանում է չորրորդ տարին անընդմեջ։ Թատերական երկամսյակի շրջանակներում, նախորդ տարիների պես, մարզ կայցելեն և ներկայացումներով հանդես կգան մայրաքաղաքի և հանրապետության տարբեր մարզերի լավագույն թատերական խմբերը։
Այս տարի թատերական երկամսյակի բացումն իրականացրել է Երևանի Հակոբ Պարոնյանի անվան երաժշտական կոմիեդիայի պետական թատրոնը։
Գեղարքունիքի մարզպետի աշխատակազմի կողմից ցերեկույթին հրավիրված էին Արցախյան բոլոր պատերազմներում զոհված և վիրավոր զինծառայողների մայրեր, քույրեր, կանայք, ընտանիքի անդամներ, Գեղարքունիքի մարզպետի աշխատակազմի և մարզի համայնքապետարանների, դրանց ենթակայությամբ գործող կրթամշակութային հաստատությունների, բուժհիմնարկների ներկայացուցիչներ, ուսանողներ, անհատ քաղաքացիներ։
Կանանց տոնի առթիվ ներկաներին շնորհավորել է ՀՀ ԿԳՄՍ նախարարի տեղակալ Դանիել Դանիելյանը, ով իր խոսքում նաև կարևորել է մշակույթի ապակենտրոնացմանն ուղղված ՀՀ կառավարության առանցքային ծրագրի գաղափարը։
Ցերեկույթի ընթացքում Գեղարքունիքի մարզպետ Կարեն Սարգսյանի կողմից Պարոնյանի անվան թատրոնին հանձնվել է շնորհակալագիր, իսկ թատրոնի հանդիսատեսներիին՝ ծաղիկներ։
Այնուհետև Երևանի Հակոբ Պարոնյանի անվան երաժշտական կոմեդիայի պետական թատրոնի դերասանների ուժերով բեմադրվել է Թամար Հովհաննիսյանի «Վերջին կանգառ» ներկայացումը։
Հասմիկ Շահբազյան