Գեղարքունիքի մարզպետ Կարեն Սարգսյանի հանձնարությամբ վերջերս մարզպետի տեղակալ Ջանիկ Բազեյանը և Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչության գլխավոր մասնագետ Գևորգ Խաչատրյանը Գեղարքունիքի մարզում ճանապարհների ձմեռային պահպանություն և սպսասարկում իրականացնող կազմակերպություններում ծանոթացել են նախապատրաստական աշխատանքների կազմակերպման ընթացքին:
Գեղարքունիքի մարզպետի աշխատակազմի տեղեկացմամբ՝ սպասարկող կազմակերպությունները ձմռան ժամակահատվածում ճանապարհների ձմեռային պահպանություն և սպասարկում պետք է իրականացնեն 610 կիլոմետր երկարության միջպետական, հանրապետական և մարզային նշանակության ճանապարհներին: Ճանապարհների ձմեռային պահպանության և սպասարկման աշխատանքներում ներգրավված են 7 կազմակերպություն:
Ձմեռային պահպանության ենթակա ճանապարհները սպասարկելու համար ներգավման պատրաստ են՝ 17 գրեյդեր, 20 կոմբինացված ճանապարհային մեքենաներ, 21 ձնամաքրող այլ տեխնիկաներ, 25 բեռնատար մեքենաներ:
Սպասարկող կազմակերպություններում կուտակվել է շուրջ 9300 խորանարդ մետր ավազ և 293 տոննա աղ: Բոլոր տեղերում արդեն ձևավորվել է հերթապահություն՝ ճանապարհների ձմեռային պահպանության և սպասարկման աշխատանքները կազմակերպելու և իրականացնելու համար:
«Ուսումնասիրության արդյունքներով՝ ճանապարհների ձմեռային պահպանություն և սպասարկում իրականացնող կազմակերպությունները լիովին պատրաստ են ձմեռային շրջանի մեկնարկին»,-հավաստեցին Գեղարքունիքի մարզպետի աշխատակազմից:
Միջպետական, հանրապետական ու մարզային նշանակության Ճանապարհների ձմեռային պահպանությունը և սպասարկումը ամբողջությամբ իրականացվում է պետբյուջեի միջոցների հաշվին:
Գեղամա աշխարհ