եղարքունիքում մեկնարկել է դպրոցականների առարկայական օլիմպիադայի ներդպրոցական փուլը  

Արդեն մեկ շաբաթ է, ինչ Գեղարքունիքի մարզի հանրակրթական  դպրոցներում մեկնարկել են ՀՀ դպրոցականների 2025-2026 ուսումնական տարվա առարկայական օլիմպիադայի ներդպրոցական փուլի աշխատանքները։

Գեղարքունիքի մարզպետի աշխատակազմի ԿՄՍ վարչության տեղեկացմամբ՝  օլիմպիադային մասնակցելու նպատակով մարզում հայտագրվել է 10945 աշակերտ, որից 1173-ը՝ հայոց լեզու, 821-ը՝ հայ գրականություն, 1237-ը՝ մայրենի, 857-ը՝ պատմություն, 2807-ը՝ մաթեմատիկա, 433-ը՝ ֆիզիկա, 14-ը՝ աստղագիտություն, 579-ը՝ կենսաբանություն, 204-ը՝ ինֆորմատիկա, 364-ը՝ քիմիա, 406-ը՝ աշխարհագրություն, 562-ը՝ ՆԶՊ, 793-ը՝ ռուսաց լեզու, 520-ը՝ անգլերեն, 20-ը՝ ֆրանսերեն և 155-ը՝ գերմաներեն առարկաներից։

Նշված առարկաներից ինֆորմատիկայի օլիմպիադան անցկացվում է առցանց եղանակով, իսկ մայրենին գնահատվում է տեղում, առանց ձևաթղթի, հարցման միջոցով։

Առարկայական օլիմպիադայի  ներդպրոցական փուլը կշարունակվի մինչև 2025 թվականի դեկտեմբերի ամիսը, որի արդյունքում  տարբեր առարկաներից լավագույն արդյունք ցուցաբերած դպրոցականները իրենց գիտելիքները կստուգեն նաև օլիմպիադայի մարզային փուլի ընթացքում։

Գեղամա աշխարհ