Գեղարքունիքի մարզի Մարտունի համայնքի Ծովինար գյուղի միջնակարգ դպրոցի իններորդ դասարանի աշակերտ Գրիգոր Մինասյանն առաջին մրցանակով է տուն վերադարձել Բուլղարիայի Վառնա քաղաքում վերջերս կայացած միջազգային մրցույթ- փառատոնից։
Մարտունու համայքնապետարանի աշխատակազմի տեղեկացմամբ՝ Գրիգոր Մինասյանը Մարտունի համայնքում գործող «Հակոբ Հակոբյան» վոկալ ստուդիայի սան է։ Նա առաջին տեղ է զբաղեցրել «Փոփ վոկալ» անվանակարգում։ Վոկալի ուսուցչուհին է Արփինե Սարգսյանը։
Միջազգային բեմում Հայաստանի Հանրապետության ու Մարտունի համայնքի պատիվը բարձր պահելու համար Գրիգոր Մինասյանն արժանացել է Մարտունու համայնքապետարանի շնորհակալագրին։ Նույն շնորհակալագրով պարգեւատրվել է նաեւ Գրիգոր Մինասյանի ուսուցչուհին՝ Արփինե Սարգսյանը։
-Բազմաթիվ երկրների պատանի երգիչների միջև անցկացվող ստուգատեսում մեր համայնքի ներկայացուցիչը փայլուն է հանդես եկել՝ արժանանալով առաջին մրցանակի, ու յադ նվաճումը հպարտացնում է բոլորիս։ Մասնագետները նրան խոստումնալից ապագա են կանխատեսում,-ներկայացրին Մարտունու համայնքապետարանի աշխատակազմից։
Գեղամա աշխարհ