ՄԱԿ-ի Փախստականների գործակալության հովանու ներքո Մարտունի համայնքի Ծովինար և Ներքին Գետաշեն բնակավայրերում բարեգործական ելույթներով հանդես է եկել Իսպանիայից ժամանած «Ծաղրածուներ առանց սահմանների» միջազգային ասոցիացիայի՝ չորս արտիստներից բաղկացած նոր թիմը։
Մարտունու համայնքապետարանի աշխատակազմի տեղեկացմամբ՝ նշված բնակավայրերում տեղահանված և տեղացի երեխաների, նրանց տատիկ-պապիկների համար ծաղրածուների թիմը ներկայացրել է յուրօրինակ ու զվարճալի ինտերակտիվ շոու։
«Ծաղրածուներ առանց սահմանների» թատերախումբը շահույթ չհետապնդող կազմակերպություն է, որի կարգախոսն է. «Մենք պատկերացնում ենք մի աշխարհ, որտեղ երեխաները կարող են զգալ վարակիչ ծիծաղ և անհոգ ուրախություն հենց այն պահերին, երբ նրանք դրա կարիքն ունեն»:
«Թատերախմբի ելույթները լիաթոք ծիծաղ ու պայծառ տրամադրություն պարգևեցին հանդիսատեսին։ Ներկայացումներն անցան լեփ-լեցուն միջավայրում ու ջերմորեն ընդունվեցին հանդիսատեսի կողմից»,-ներկայացրին Մարտունու համայնքապետարանի աշխատակազմից։
Գեղամա աշխարհ