Արդեն մի քանի օր է, ինչ սկսվել և ընթանումեն Գեղարքունիքի մարզի Վարդենիս համայնքի խաչաղբյուր և Լուսակունք համայնքներն իրար կապող կամրջի վերակառուցման աշխատանքները։
Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից ստացված տեղեկատվության համաձայն՝ աշխատանքներն ընթանում են ՀՀ Գեղարքունիքի մարզպետի աշխատակազմի պատվիրատվությամբ։ Ծրագրի պայմանագրային արժեքը կազմում է 15 միլիոն 47 հազար դրամ, որն ամբողջությամբ հատկացվում է պետբյուջեի միջոցներից։ Նոյեմբերի 7-ի դրությամբ արդեն ավարտվել են կամրջի քանդման աշխատանքները և ընթանում են վերակառուցման աշխատանքները, որոնք ավարտի կհասցվեն նոյեմբերի երրորդ տասնօրյակում։
«Խաչաղբյուր և Լուսակունք բնակավայրերն իրար կապող կամրջի վերակառուցումը պայմանավորված է վթարային վիճակով, ինչի հետևանքով վտանգավոր էր դառնում ճանապարհի տվյալ հատվածի հետագա շահագործումը։ Գեղարքունիքի մարզպետի նախաձեռնությամբ ու հետևողականությամբ ձեռնարկված աշխատանքները շուտով կտան իրենց դրական արդյունքը»,-ներկայացրին Գեղարքունիքի մարզպետի աշխատակազմից։
Գեղամա աշխարհ