Գեղարքունիքի մարզի Վարդենիս քաղաքի Վիկտոր համբարձումյան փողոցում արդեն ավարտական փուլում են գտնվում ճանապարհաշինական աշխատանքները, որոնք իրականացվել են ՀՀ կառավարության կողմից 2023 թվականին իրականացվող սուբվենցիոն ծրագրերի շրջանակներում։
Վարդենիսի համայնքապետարանի աշխատակազմի կողմից տրամադրված տեղեկատվության համաձայն՝ Վիկտոր Համբարձումյան փողոցի հիմնանորոգման ծրագրի պայմանագրային արժեքը կազմում է 303 միլիոն 102 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Վարդենիսի համայնքապետարանը։ Ծրագրով նախատեսված է ճանապարհի 1867 գծամետր ասֆալտապատում, միակողմանի մայթի եւ ջրահեռացման համակարգի կառուցում երկաթբետոնյա խողովակներով, ինչպես նաեւ փողոցի կահավորում եւ գծանշում։ Ճանապարհի երթևեկելի մասը ասֆալտապատվել է 19 հազար 635,8, միակողմանի մայթը՝ 2507 քառակուսի մետր մակերեսով։ Շինարարական աշխատանքները մեկնարկել են 2023 թվականի վերջերից, փողոցով անցնող ջրամատակարարման և ջրահեռացման համակարգի հիմնանորոգման աշխատանքների պատճառով ընդհատվել 2024 թվականից ու վերսկսվել 2025 թվականի ընթացքում։ Առաջիկա օրերի ընթացքում այստեղ կավարտվեն նաև գծանշման աշխատանքները։
Օրերս Վարդենիս քաղաքի Վիկտոր Համբարձումյան փողոցումիրականացված հիմնանորոգման աշխատանքները մշտադիտարկել են Գեղարքունիքի մարզպետ Կարեն Սարգսյանը և Վարդենիս համայնքի ղեկավար Ահարոն Խաչատրյանը։
Գեղամա աշխարհ