Գեղարքունիքի մարզում ավարտվել է 2025 թվականի հոկտեմբեր-նոյեմբեր ամիսներին անցկացված Հայաստանի ֆուտբոլի ֆեդերացիայի «ֆուտբոլի դպրոցական գավաթ» մրցաշարի միջհամայնքային և մարզային փուլերը։
ՀՖՖ Գեղարքունիքի մարզի ներկայացուցիչ Վարդան Դավթյանի տեղեկացմամբ՝ մրցաշարը անցկացվում էր «Ֆուտբոլը դպրոցում» կրթական ծրագրի շրջանակում, երեք տարիքային խմբերի` մինչև 10,12, և 14 տարեկանների միջև։
Մրցաշարի նպատակն է՝ դպրոցականների շրջանում նպաստելու առողջ ապրելակերպի ձևավորմանը, մեծացնելու ֆուտբոլ մարզաձևի նկատմամբ հետաքրքրությունը։
Տարբեր բնակավայրերում ՀՖՖ-ի կողմից կառուցված արհեստական խոտածածկով փոքր դաշտերում կայացած մրցումներում ակտիվ մասնակցություն ցուցաբերեցին մարզի դպրոցների թիմերը։
Մինչև 10 տարեկանների մրցապայքարում հաղթողի կոչումը նվաճեց Սևան քաղաքի թիվ 3, մինչև 12 տարեկանների մրցապայքարում՝ Ճամբարակի թիվ 2 հիմնական դպրոցների թիմերը։ Մինչև 14 տարեկանների մրցապայքարում հաղթող ճանաչվեց Լճաշենի միջնակարգ դպրոցի թիմը, որն էլ իրավունք ստանացավ՝ մասնակցելու հանրապետական եզրափակիչ փուլին։ Եզրափակիչը կկայանա 2025 թվականի նոյեմբեր-դեկտեմբեր ամիսներին։
Գեղամա աշխարհ