Գեղարքունիքի մարզի Գավառ քաղաքի Հացառատ թաղամասում արդեն ավարտվել է նոր կոյուղագծի կառուցումը, որն իրականացվել է ՀՀ կառավարության կողմից 2025 թվականին իրականացվող Հրատապ ծրագրերի շրջանակում, պետական բյուջեի միջոցներով ։
Գավառի համայնքապետարանի աշխատակազմի տեղեկացմամբ՝ ծրագրի արժեքը կազմում է 43.3 միլիոն դրամ։
Կոյուղագծի երկարությունը 805 գծամետր է ։
Ծրագրի շահառուներ են հանդիսանում թաղամասի ավելի քան 400 բնակիչներ։
Շինարարությունը մեկնարկել էր 2025 թվականի օգոստոսին ու ավարտվել նախատեսված ժամկետում։
«Ծրագրի հրատապությունը կայանում էր նրանում, որ Հացառատի թաղամասի տվյալ հատվածում գրունտային ջրերի մակարդակի բարձր լինելու պայմաններում տնտեսությունները չէին կարողանում իրենց տնամերձերում սեպտիկ հորեր կառուցելու միջոցով լուծել ջրահեռացման խնդիրները, ուստի խնդիրը միշտ բարձրացնում էին թե՛ տեղական ինքքնակառավարման մարմնի, թե՛ պետական մարմինների առջև։ Մոտ 100 տնտեսության համար այս ծրագրի ավարտից հետո արդեն հիմնովին կարգավորվեց ջրահեռացման խնդիրը»,-ներկայացրին Գավառի համայնքապետարանի աշխատակազմից։
Գեղամա աշխարհ