Գեղարքունիքի մարզի Գավառ քաղաքի ավագ և Պապին Ղանդիլյանի անվան թիվ 2 միջնակարգ դպրոցներում գործող «Արմաթ» աշխատանոցի սաներ Վանիկ Մանուկյանը և Օնիկ Հակոբյանը երկրորդ տեղ են գրավել Պանամայում վերջերս կայացած «FIRST Global» ռոբոտաշինության առաջնությունում։
Գավառ քաղաքի Պապին Ղանդիլյանի անվան թիվ 2 միջնակարգ դպրոցի տնօրեն Ալիտա Գասպարյանi texekacmamb` «FIRST Global»-ը ռոբոտաշինության և ճարտարագիտության ամենահեղինակավոր միջազգային առաջնություններից է։ Մրցաշարին մասնակցել են 192 թիմ՝ 182 երկրներից։ Մրցույթի թեմատիկան եղել է ռոբոտների միջոցով բնապահպանական խնդիրների լուծումը։ Հայաստանի թիմը գրավել է պատվավոր երկրորդ տեղը։ Մեր թիմի մարզիչ-խմբավարը եղել է Էրիկ Միրզոյանը, անդամները՝ Դվինի միջնակարգ դպրոցի Արմաթ աշխատանոցի սան Դավիթ Ղազարյանը, Գավառի N 2 միջնակարգ դպրոցի Արմաթ աշխատանոցի սան Օնիկ Հակոբյանը, Գավառի ավագ դպրոցի Արմաթ աշխատանոցի սան Վանիկ Մանուկյանը և Երևանի N 131 դպրոցի Արմաթ աշխատանոցի սան Մարի Օհանյանը։
-Մեր դպրոցի Արմաթ աշխատանոց այժմ հաճախում են 19 աշակերտ։ Ի դեպ, Գավառ ի ավագ դպրոցի սան Վանիկ Մանուկյանը ժամանակին կրթվել է մեր աշխատանոցում, այնպես որ, Պանամայում կայացած միջազգային ստուգատեսում գրանցած հաղթանակը նաև մեր հաջողությունն ենք համարում։ Վերջերս էլ մեր թիմը մասնակցել է Վարդենիկու կայացած ռոբոտաշինթյան առաջնությանը, որտեղ հաղթող է ճանաչվել ու պետք է Գեղարքունիքի մարզը ներկայացնի առաջիկայում կայանալիք հանրապետական առաջնությանը։ Մենք անհամբեր սպասում ենք միջազգային մրցաշարում հաղթանակ ապահոված մեր սաների վերադարձին՝ նրանց շուքով դիմավորելու և շնորհավորելու համար,-ներկայացրեց Ալիտա Գասպարյանը։
Արմաթը ճարտարագիտական կրթության հայկական ազգային ծրագիր է, որն իրականացվում է Առաջատար Տեխնոլոգիաների Ձեռնարկությունների Միության կողմից, ՀՀ ԿԳՄՍ նախարարության աջակցությամբ։
Խոսրով Խլղաթյան