Գեղարքունիքի մարզի Մարտունի համայնքի Մադինա գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում հիմնանորոգվել է հայտնի գեղանկարիչ Ներսես Կարապետյանի տուն-թանգարան տանող ճանապարհը։
Մադինայի վարչական ղեկավար Հարություն Հայրապետյանի տեղեկացմամբ՝ Մադինայի 10-րդ փողոցի հիմնանորոգման ծրագրի պայմանագրային արժեքը կազմում է 31 միլիոն 424 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրով նախատեսված է Ներսես Կարապետյանի տուն-թանգարան տանող ճանապարհի ասֆալտապատում՝ շուրջ 560 մետր երկարությամբ և 2800 քառակուսի մետր մակերեսով։
Շինարարական աշխատանքները մեկնարկել են 2025 թվականի օգոստոսից և ավարտվել հոկտեմբերի 20-ին։
«Ծրագրի իրականացման արդյունքում ոչ միայն տասնյակ տնտեսություններ են օգտվելու ասֆալտապատ ճանապարհից, այլ նաև բազմաթիվ զբոսաշրջիկներ, ովքեր Ներսես Կարապետյանի տուն-թանգարան են գալիս թե՛ Հայաստանի տարբեր մարզերից, թե՛ աշխարհի տարբեր երկրներից։ Այս առումով էլ 10-րդ փողոցի հիմնանորոգման ծրագիրը մեծապես խթանելու է տուրիզմի զարգացումը Մարտունի համայնքում ու մեր գյուղում»,-ներկայացրեց Հարություն Հայրապետյանը։
Շինարարական աշխատանքներն իրականացրել է «ՎՄՎ ՔԱՄՓՆԻ» ՍՊԸ-ն
Գեղամա աշխարհ