Գեղարքունիքի մարզկենտրոն Գավառ քաղաքում ՀՀ կառավարության կողմից 2026 թվականին իրականացվող սուբվենցիոն ծրագրերի շրջանակներում մեկնարկել և ընթանում են Սովխոզնիկների և Զարգարյան փողոցների հիմնանորոգման աշխատանքները։
Ինչպես տեղեկացրին Գավառի համայնքապետարանի աշխատակազմից, հիմնանորոգման աշխատանքներ են ընթանում Գավառ քաղաքի Սովխոզնիկների, Զարգարյան փողոցներում և Զարգարյան փողոցի 1-ին փակուղում։
Սովխոզնիկների փողոցում ասֆալտապատումն արդեն ավարտվել է, ընթանում են մայթերի կառուցման աշխատանքներ։ Զարգարյան փողոցում այժմ ընթանում են ասֆալտապատման աշխատանքներ, զուգահեռ նաև մայթեր են կառուցվում։
Նշված փողոցներում նաև ջրահեռացման համակարգ է կառուցվել։
Աշխատանքներն իրականացնում է «Գավառի ՃՇՇ» ԲԲԸ-ն։
Նույն ծրագրի շրջանակներում նախատեսվում է հիմնանորոգել նաև Արծրունի եղբայրներ 2-րդ նրբանցքը, Միքայելյան փողոցի 1-ին նրբանցքը, Սիրունյան փողոցը, Գրիգոր Լուսավորչի 1-ին փակուղին, Վաղարշակ Փոշոտյան փողոցը, Ազատության 1-ին նրբանցքը, Ազատության փողոցի 1-ին նրբանցքի 4-րդ շենքի բակը, Ազատության փողոցի 1-ին նրբանցքի 1-ին փակուղին և Բոշնաղյան փողոցի 1-ին նրբանցքը։
Ծրագրի պայմանագրային արժեքը կազմում է 600 միլիոն դրամ, որի 45 տոկոսը հատկացնում է ՀՀ կառավարությունը, 55 տոկոսը՝ Գավառի համայնքապետարանը։
Շինարարական աշխատանքները նախատեսվում է ավարտի հասցնել 2026 թվականի ընթացքում։
Գեղամա աշխարհ