Գեղարքունիքի մարզի Վարդենիս համայնքի Դարանակ գյուղում սուբվենցիոն և պետական ծրագրերի շրջանակներում 2018-2025 թվականների ընթացքում սոցիալ-տնտեսական և կենսական նշանակության 5 ծրագիր է իրականացվել, որոնց ուղղությամբ կատարված կապիտալ ներդրումները կազմել են 561 միլիոն 24 հազար դրամ։
Ինչպես տեղեկացրին Վարդենիսի համայնքապետարանի աշխատակազմից, իրականացված ծրագրերից 4-ը սուբվենցիոն են՝ 57 միլիոն 24 հազար դրամ ընդհանուր արժեքով, 1-ը՝ պետական՝ 504 միլիոն դրամ արժեքով։
Իրականացված ծրագրերի արդյունքում Դարանակում 2018-2025 թվականների ընթացքում կառուցվել է 4725 մետր խմելու ջրատարի ներքին ու արտաքին ցանցեր, 3720 մետր արտաքին լուսավորության ցանց, հիմնանորոգվել 4500 մետր հանրապետական նշանակության ճանապարհ։
Պետական ծրագրով 2019 թվականին հիմնանորոգվել է Շողակաթ-Վարդենիս հանրապետական նշանակության ավտոճանապարհի՝ Դարանակի վարչական տարածքով անցնող հատվածը, շուրջ 504 միլիոն դրամ արժեքով։
Գեղամա աշխարհ