ՀՀ կառավարության 2026 թվականի հունիսի 18-ի հերթական նիստում որոշում է կայացվել՝ Գեղարքունիքի մարզին հատկացնել 64 միլիոն 265.0 հազար դրամ՝ երեք բնակավայրերի ենթակառուցվածքների զարգացմանն ուղղված սուբվենցիոն ծրագրերը համաֆինանսավորելու նպատակով։
Ինչպես տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, 5 միլիոն 888.8 հազար դրամ հատկացվել է Մարտունի համայնքի Լիճք գյուղի մշակույթի տան վերանորոգման աշխատանքների իրականացման համար։
58 միլիոն 376.2 հազար դրամ հատկացվել է Մարտունի համայնքի Ծովինար և Զոլաքար գյուղերում ոռոգման ջրատարների կառուցման աշխատանքների իրականացման համար։
Վերը նշված տեղերում շինարարական աշխատանքներն ավարտվել են։
Գեղամա աշխարհ