Գեղարքունիքի մարզի Մարտունի համայնքի Վաղաշեն գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում կառուցվում է ոռոգման ջրատարի ներքին ցանց, հիմնանորոգվում 32 և 38-րդ փողոցները։
Ինչպես տեղեկացրին Մարտունու համայնքապետարանի աշխատակազմից, Վաղաշենի ոռոգման ջրատարի ներքին ցանցի կառուցման ծրագրի պայմանագրային արժեքը կազմում է 60 միլիոն 752 հազար դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Մարտւնու համայնքապետարանը։
Ծրագրով նախատեսվում է ոռոգման ջրատարի ներքին ցանցի անցկացում Վաղաշենի 34 և 43-րդ փողոցներում, 2000 մետր երկարությամբ, երկաթբետոնյա կիսախողովակներով։
Շինարարական աշխատանքները մեկնարկել են 2026 թվականի մարտ ամսից և մայիսի 25-ի դրությամբ իրականացվել շուրջ 80 տոկոսով։
Ծրագրի իրականացման արդյունքում այս տարվա ոռոգման շրջանի մեկնարկից Վաղաշենի տնտեսությունների մոտ 75 տոկոսին ոռոգման ջուրը կմատակարարվի ժամանակին ու անկորուստ։
Վաղաշենի 32 և 38-րդ փողոցների հիմնանորոգման ծրագրի պայմանագրային արժեքը կազմում է 53 միլիոն 197 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրով նախատեսված է 32 և 38-րդ փողոցների ասֆալտապատում՝ 509 գծամետր երկարությամբ, 2500 քառակուսի մետր մակերեսով, ոռոգման ու ջրահեռացման առուների տեղադրում։
Շինարարական աշխատանքները մեկնարկել են 2026 թվականի ապրիլից և մայիսի 25-ի դրությամբ իրականացվել շուրջ 75 տոկոսով։ Շինարարությունն ավարտի կհասցվի առաջիկա 10 օրերի ընթացքում։
Ծրագրի իրականացման արդյունքում Վաղաշենի նորաստեղծ երկու թաղամասերի բնակիչներն առաջին անգամ կօգտվեն ասֆալտապատ ու բերակարգ ճանապարհներից։
Գեղամա աշխարհ