Ս
Սևանա լճի մակարդակը 2026 թվականի ապրիլի 6-ի դրությամբ ծովի մակերևույթից գտնվել է 1900 մետր 29 սանտիմետր բարձրության վրա՝ նախորդ տարվա նույն օրվա համեմատ նվազ լինելով 12 սանտիմետրով։
Գեղարքունիքի մարզպետի աշխատակազմի գյուղատնտեսության և բնապահպանության վարչության տվյալներով՝ 2026 թվականի մարտի 3-ի համեմատ Սևանա լճի մակարդակը բարձրացել է 3 սանտիմետրով։
2026 թվականի հունվարից մինչ ապրիլի 6-ն ընկած ժամանակահատվածում Արփա-Սևան թունելային ջրատարով Սևանա լիճ է տեղափոխվել 18 միլիոն 167 հազար խորանարդ մետր ջուր։
Սևանա լիճ թափվող գետերի վարարումները ցուրտ եղանակի պատճառով դեռ չեն սկսվել։
Սևանա լճի մակարդակի էական բարձրացում կարող է սպասվել ապրիլի երկրորդ կեսից հետո։
Գեղամա աշխարհ