Գեղարքունիքի մարզի Սևան և Մարտունի համայնքներում կայացել է «ՀՀ վարչապետի գավաթ» սիրողական սեղանի թենիսի 2-րդ տարիքային՝ 10-12-րդ դասարանների դպրոցների հավաքական թիմերի մրցաշարը։
Ինչպես տեղեկացրին Գեղարքունիքի մարզպետի աշխատակազմի ԿՄՍ վարչությունից, մրցաշարն անցկացվում էր ՀՀ վարչապետի հովանու ներքո։
Սևան համայնքում անցկացված մրցաշարում 1-ին տեղը գրավել է Սևանի Խ․Աբովյանի անվան ավագ դպրոցի թիմը։ 2-րդ տեղը զբաղեցրել է Դդմաշենի միջնակարգ դպրոցի թիմը, 3-րդ տեղը՝ Զովաբերի Ե․Չարենցի անվան միջնակարգ դպրոցի թիմը։
Մարտունի համայնքում առաջին տարիքային խմբում հաղթող է ճանաչվել Մարտունի քաղաքի Ս. Դարբինյանի անվան թիվ 2 հիմնական դպրոցի թիմը։ 2-րդ տեղը զբաղեցրել է Մարտունու Մ. Մելիք-Շահումյանցի անվան թիվ 1 հիմնական դպրոցի թիմը,
3-րդ տեղը՝ Ծակքարի միջնակարգ դպրոցի թիմը: Երկրորդ տարիքային խմբում հաղթող է ճանաչվել Ծակքարի միջնակարգ դպրոցի թիմը։ 2-րդ տեղը գրավել է Վերին Գետաշենի թիվ 1 միջնակարգ դպրոցի թիմը, 3-րդ տեղը՝ Մարտունու Տ․ Աբրահամյանի անվան ավագ դպրոցի թիմը։
Հաղթող թիմերը պարգևատրվել են ՀՀ ԿԳՄՍ նախարարի տեղակալ Հասմիկ Ավագյանի կողմից տրամադրված հավաստագրերով։ 1-ին, 2-րդ , 3-րդ տեղ գրաված հավաքական թիմերը կմասնակցեն մարզային փուլի մրցումներին։
Գեղամա աշխարհ