Գեղարքունիքի մարզի Մարտունի համայնքի Վաղաշեն գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում ավարտին են մոտենում 3-րդ, 6-րդ և 7-րդ փողոցների հիմնանորոգման աշխատանքները։
Մարտունու համայնքապետարանի աշխատակազմի տեղեկացմամբ՝ Վաղաշենի փողոցների հիմնանորոգման ծրագրի պայմանագրային արժեքը կազմում է 112 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրով նախատեսված է 3-րդ, 6-րդ և 7-րդ փողոցների հիմնանորոգում՝ ասֆալտապատմամբ ու ջրահեռացման համակարգի տեղադրմամբ, 1370 գծամետր ընդհանուր երկարությամբ և 6850 քառակուսի մետր մակերեսով։
Շինարարական աշխատանքները, որոնք իրականացնում է «ՎՄՎ ՔԱՄՓՆԻ» ՍՊԸ-ն, մեկնարկել են 2025 թվականի հոկտեմբերից և նոյեմբերի 26-ի դրությամբ գտնվում են ավարտական փուլում։
Այս փողոցներն իրենց պատմության ընթացքում ասֆալտապատվում են առաջին անգամ։
Գեղամա աշխարհ