Գեղարքունիքի մարզի Սևան համայնքի Գագարին գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում ավարտվել են Շիրազի փողոցի հիմնանորոգման աշխատանքները։
Սևանի համայնքապետարանի աշխատակազմի տեղեկացմամբ՝ Գագարին գյուղի Շիրազ փողոցի հիմնանորոգումն ընդգրկում է 9616 քառակուսի մետր տարածք:
Ծրագրի պայմանագրային արժեքը 147 միլիոն 638 000 դրամ է, որի 50 տոկոսը հատկացնում է ՀՀ կառավարությունը, 50 տոկոսը՝ Սևանի համայնքապետարանը։
Շինարարական աշխատանքները մեկնարկել էին 2025 թվականի սեպտեմբերից և ավարտվել նույն տարվա նոյեմբերի ընթացքում։
«Սահմանված ժամկետներում «Ճան-Շին» ՍՊԸ կապալառու կազմակերպության կողմից իրականացվել են նախատեսված շինարարական աշխատանքները, որի արդյունքում արդեն Գագարին բնակավայրի Շիրազի փողոցը ներկայանում է նորովի և բարեկարգ տեսքով՝ ապահովելով մարդկանց և ավտոմեքենաների անվտանգ երթևեկը:
Ասֆալտապատմանը հաջորդել են գծանշման աշխատանքները:
Պետություն-համայնք արդյունավետ համագործակցության արդյունքում իրողություն են դառնում համայնքապահպան ծրագրերը»,-ներկայացրին Սևանի համայնքապետարանի աշխատակազմից:
Գեղամա աշխարհ