Գեղարքունիքի մարզում անցկացվել է «ՀՀ Վարչապետի գավաթ-2026» խճուղային հեծանվավազքի սիրողական մրցաշարի մարզային փուլը։
Ինչպես տեղեկացրին Գեղարքունիքի մարզպետի աշխատակազմի ԿՄՍ վարչությունից, այն անցկացվել է Շողակաթ համայնքից մինչև Ծովագյուղ երկաթուղային կայարան՝ 30 կմ երթուղով։Երկու տարիքային խմբերում մասնակցել են 78 մարզիկներ։Առաջին տարիքային խմբում հանդես եկող թիմերի կազմում ընդգրկվել են նույն դպրոցի 7-9-րդ դասարաններում սովորող 1տղա և 1 աղջիկ, իսկ երկրորդ տարիքային խմբում՝ 10-12-րդ դասարաններում սովորող 2 տղա 2 աղջիկ։
1-ին տարիքային խմբում 1-ին տեղը գրավել է Սևանի Մ․Մաշտոցի անվան թիվ 1 հիմնական դպրոցի թիմը։ 2-րդ տեղը զբաղեցրել է Գետիկի միջնակարգ դպրոցի թիմը,
3-րդ տեղը՝ Լուսակունքի միջնակարգ դպրոցի թիմը։
2-րդ տարիքային խմբում 1-ին տեղը գրավել է Լճաշենի Ա․Տեր -Գրիգորյանի անվան միջնակարգ դպրոցի թիմը։ 2-րդ տեղը զբաղեցրել է Ծովազարդի միջնակարգ դպրոցի թիմը, 3-րդ տեղը՝ Լուսակունքի միջնակարգ դպրոցի թիմը։
Մարզային փուլում բոլոր հաղթող հավաքական թիմերը պարգևատրվել են հավաստագրերով և գավաթներով։
2 տարիքային խմբերում 1-ին տեղ գրաված Սևանի Մ․Մաշտոցի անվան Հ․1 հիմնական դպրոցի և Լճաշենի Ա․Տեր-Գրիգորյանի անվան միջնակարգ դպրոցի հավաքական թիմերը կմասնակցեն «ՀՀ Վարչապետի գավաթ-2026» խճուղային հեծանվավազքի հանրապետական փուլին։
Գեղամա աշխարհ