Գեղարքունիքի մարզի Վարդենիս քաղաքի թիվ 4 հիմնական դպրոցի 5-րդ դասարանի աշակերտ Սաղաթել Թադևոսյանը Անդրանիկ Մարգարյանին նվիրված շախմատի հանրապետական հուշամրցաշարում զբաղեցրել է երկրորդ պատվավոր տեղը՝ առաջին տեղի համար պայքարում զիջելով միայն լրացուցիչ ցուցանիշներով։
Վարդենիսի թիվ 4 հիմնական դպրոցի տնօրեն Անահիտ Սահակյանի տեղեկացմամբ՝ մրցաշարին Հայաստանի տարբեր մարզերից ու մայրաքաղաքիցմասնակցել են 630 պատանի շախմատիստներ, ովքեր 9 օր շարունակ պայքար են մղել առաջին հորիզոնականների համար:
Սաղաթել Թադևոսյանն Անդրանիկ Մարգարյանի հուշամրցաշարում 9 հնարավորից վաստակել է 7,5 միավոր։
«Սաղաթել Թադևոսյանն իր բարձր պատրաստվածությամբ, կամքի ուժով և նպատակասլացությամբ բարձր է պահել ոչ միայն Վարդենիսի, այլև ամբողջ Գեղարքունիքի մարզի պատիվը՝ արժանապատվորեն ներկայացնելով մեր դպրոցը և համայնքը։ Հաղթել 630 շախմատիստների մրցապայքարում՝ դա նշանակում է շատ լուրջ, ծանրակշիռ հաղթանակ։ Նա անցած տարում ևս հանրապետական ստուգատեսներից մեկում գրավեց առաջին տեղը, ու մենք շատ հպարտ ենք նրա գրանցած հաջողություններով»,-ներկայացրեց Անահիտ Սահակյանը։
Սաղաթել Թադևոսյանը ՀՀ Շախմատի ակադեմիայի Վարդենիսի մասնաճյուղի սան է։
Գեղամա աշխարհ