Գեղարքունիքի մարզի Սեւան քաղաքի Ն․Դագարյանի անվան մանկապատանեկան մարզադպրոցում անցկացվել է «Սևանի գավաթ» թաեքվանդոյի առաջնություն, որին մասնակցել են Երեւանի, Ապարանի, Նոյեմբերյանի և Սեւան քաղաքի մարզիկները։
Ինչպես տեղեկացրին Սեւանի համայնքապետարանի աշխատակազմից, թիմային հաշվարկով 1-ին տեղը գրավել են Սեւանի Նորիկ Դագարյանի անվան մանկապատանեկան մարզադպրոցի եւ Երեւան քաղաքի «ՎԻԿՏԱՍ» ակումբի, 2-րդ տեղը՝ Նոյեմբերյանի, 3-րդ տեղը՝ Երեւանի «Սեւ հովազ» ակումբային թիմի մարզիկները։ Մրցանակային տեղեր գրաված մարզիկները պարգեւատրվել են մեդալներով եւ պատվոգրերով։
Ն․Դագարյանի անվան մանկապատանեկան մարզադպրոցի տնօրենը մարզիչներին պարգեւատրել է շնորհակալագրերով, իսկ առաջնությունում ՀՀ «Նվիրյալներ» ՌՀԿ նախագահը հավաստագիր է հանձնել մարզադպրոցի տնօրեն Գ․Ավետիսյանին։
Գեղամա աշխարհ