Գեղարքունիքի մարզի Մարտունի համայնքի Ձորագյուղ գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում հիմնանորոգվում են 8, 9 և 13-րդ փողոցները։
Մարտունու համայնքապետարանի աշխատակազմի տեղեկացմամբ՝ Ձորագյուղի երեք փողոցների հիմնանորոգման ծրագրի պայմանագրային արժեքը կազմում է 101 միլիոն 385 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրով նախատեսված է Ձորագյուղի 8, 9 և 13-րդ փողոցների ասֆալտապատում՝ 1260 մետր ընդհանուր երկարությամբ և 6300 քառակուսի մետր մակերեսով։
Շինարարական աշխատանքները մեկնարկել են 2025 թվականի հոկտեմբերից և նոյեմբերի 27-ի դրությամբ իրականացվել շուրջ 50 տոկոսով։
Շինարարական աշխատանքներն իրականացնում է «ՎՄՎ ՔԱՄՓՆԻ» ՍՊԸ-ն։
Ձորագյուղի վերոնշյալ փողոցներն իրենց պատմության մեջ ասֆալտապատվում են առաջին անգամ։
Գեղամա աշխարհ