Գեղարքունիքի մարզի Մարտունի համայնքի Լիճք գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում սկսվել և ընթանում են ոռոգման ջրատարի ներքին ցանցի կառուցման աշխատանքները։
Մարտունու համայնքապետարանի աշխատակազմի տեղեկացմամբ՝ Լիճքի ոռոգման ջրատարի ներքին ցանցի կառուցման ծրագրի պայմանագրային արժեքը կազմում է 37 միլիոն 809 հազար դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Մարտունու համայնքապետարանը։
Ծրագրով նախատեսված է ոռոգման ջրատարի ներքին ցանցի կառուցում Լիճք գյուղի Ա2 թաղամասի 9-րդ և Ա5 թաղամասի 4-րդ փողոցներում, շուրջ 100 գծամետրը՝ երկաթբետոնյա կիսախողովակներով, մնացած 750 գծամետրը՝ երկաթյա կիսախողովակներով։
Շինարարական աշխատանքները մեկնարկել են 2025 թվականի հոկտեմբերից և նոյեմբերի 27-ի դրությամբ իրականացվել շուրջ 50 տոկոսով։
Աշխատանքներն իրականացնում է «Բիդեք» ընկերությունը։
Ծրագրի իրականացման արդյունքնում եկող տարվա ոռոգման շրջանի մեկնարկում ջուրը շահառու հանդիսացող 700 տնտեսություններին, մոտ 150 հեկտար ցանքերում, կմատակարարվի ժամանակին և անկորուստ։
Գեղամա աշխարհ