Կայացել է «Գավառի պետական համալսարան» հիմնադրամի հոգաբարձուների խորհրդի նիստը, որը վարել է խորհրդի նախագահ, ակադեմիկոս Էդուարդ Ղազարյանը։
Գավառի պետական համալսարանի լրատվության և հանրության հետ կապերի բաժնի տեղեկացմամբ՝ նիստին մասնակցել է ՀՀ Գեղարքունիքի մարզպետ, ԳՊՀ հոգաբարձուների խորհրդի անդամ Կարեն Սարգսյանը։ Օրակարգի համաձայն՝ ԳՊՀ ռեկտոր Ռուզաննա Հակոբյանը հանդես է եկել բուհի գործունեության հիմնական ուղղություններով 2024-2025 ուսումնական տարում կատարված աշխատանքների, համալսարանի հակակոռուպցիոն ծրագրի իրականացման, հիմնադրամի 2025 թվականի եկամուտների և ծախսերի կատարողականի վերաբերյալ հաշվետվությամբ, ինչպես նաև հոգաբարձուների խորհրդի հաստատմանը ներկայացրել 2026 թվականի ֆինանսական տարվա եկամուտների և ծախսերի նախահաշիվը և զարգացման տարեկան ծրագրի նախագիծը։
Հոգաբարձուների խորհուրդը հաստատել է ‹‹Գավառի պետական համալսարան›› հիմնադրամի 2026 թվականի կառուցվածքը, հաստիքացուցակը, ԳՊՀ էթիկայի, ակադեմիական բարեվարքության և վարվեցողության ներքին կանոնակարգը։ Իրենց ելույթներում համալսարանի աշխատանքը գնահատել են հոգաբարձուների խորհրդի անդամներ Հրանուշ Հակոբյանը և Հայկ Ղազարյանը։
ԳՊՀ գիտական խորհրդի որոշմամբ ԳՊՀ ռեկտոր Ռուզաննա Հակոբյանը շնորհակալագիր է հանձնել հոգաբարձուների խորհրդի նախագահ Էդուարդ Ղազարյանին՝ գիտամանկավարժական արդյունավետ գործունեության, Հայաստանի Հանրապետության կրթության և գիտության համակարգի զարգացման գործում ունեցած անգնահատելի ավանդի համար։
Գեղամա աշխարհ